ഹരിയാന ഉൾപ്പെടെ പഞ്ചാബ്, ഡൽഹി, ത്രിപുര എന്നീ സംസ്ഥാനങ്ങളിലും ബി.ജെ.പി. അധ്യക്ഷന്മാരെ മാറ്റി നിയമിച്ചിട്ടുണ്ട്. സംഘടനാ തലത്തിൽ വലിയ അഴിച്ചുപണികൾക്കാണ് ബി.ജെ.പി. നേതൃത്വം തുടക്കമിട്ടിരിക്കുന്നത്.ഏറ്റവും ശ്രദ്ധേയമായത് ഹരിയാന ബിജെപി സംസ്ഥാനഅദ്ധ്യക്ഷനായി ഒരു വനിതയെ ബിജെപി നിയമിച്ച നടപടി ആണ്.
ഹരിയാന ബി.ജെ.പി. സംസ്ഥാന അധ്യക്ഷനായിരുന്ന മോഹൻ ലാൽ ബഡോളിയെ മാറ്റി പകരം ഡോ. അർച്ചന ഗുപ്തയെ ആണ് പാർട്ടി പുതിയ അധ്യക്ഷയായി നിയമിച്ചത് ഒരു ഗോൾഡ് മെഡലിസ്റ്റ് റേഡിയോളജിസ്റ്റ് (ഡോക്ടർ) കൂടിയാണ് അർച്ചന ഗുപ്ത.
ചികിത്സാ രംഗത്തെ തിരക്കുകൾക്കിടയിലും ദീർഘകാലമായി ബി.ജെ.പി.യിൽ സജീവമായി പ്രവർത്തിക്കുന്നുണ്ട്.ഇവർ ഒരു മെഡിക്കൽ ബിരുദധാരിയാണ്. 1994-ൽ പി.ജി.ഐ. (PGI) റോഹ്തക്കിൽ നിന്ന് എം.ഡി. റേഡിയോളജി (MD Radiology) പൂർത്തിയാക്കി.പരിശീലനം ലഭിച്ച ഒരു റേഡിയോളജിസ്റ്റ് (Radiologist)കൂടി ആണ് അർച്ചന ഗുപ്ത.
ദീർഘകാലമായി വൈദ്യശാസ്ത്ര രംഗത്ത് സേവനമനുഷ്ഠിക്കുന്നുണ്ടെങ്കിലും, രാഷ്ട്രീയത്തിലെ സജീവ പങ്കാളിത്തം കാരണം സംഘടനാ പ്രവർത്തനങ്ങൾക്കാണ് ഇപ്പോൾ മുൻഗണന നൽകുന്നത്.പല മെഡിക്കൽ ബിരുദധാരികളും (പ്രത്യേകിച്ച് എം.ഡി. തലത്തിൽ) തങ്ങളുടെ അക്കാദമിക് മികവിന് സർവകലാശാലകളിൽ നിന്ന് സ്വർണ്ണ മെഡലുകൾ (Gold Medals) കരസ്ഥമാക്കാറുണ്ട്. ഡോ. അർച്ചന ഗുപ്ത മെഡിക്കൽ പഠനകാലത്ത് അത്തരമൊരു മികവ് പുലർത്തിയിട്ടുണ്ട് എന്നും റിപ്പോർട്ടുകൾ ഉണ്ട്.
മറ്റൊന്ന് ,വിശ്വഹിന്ദു പരിഷത്ത് എന്ന സംഘപരിവാർ സംഘടനയിലും ഒരുകാലത്ത് സജീവ പ്രവർത്തക ആയിരുന്നു ഡോ. അർച്ചന ഗുപ്ത.2010 മുതൽ 2016 വരെ വി.എച്ച്.പി.യിൽ സജീവമായിരുന്നു. ജില്ലാ സഹ-സംയോജിക, സംയോജിക എന്നീ നിലകളിലും ഹരിയാന സംസ്ഥാന വൈസ് പ്രസിഡന്റായും പ്രവർത്തിച്ചിട്ടുണ്ട്.
2016 മുതൽ 2020 വരെ ബി.ജെ.പി. മഹിളാ മോർച്ചയുടെ ജില്ലാ അധ്യക്ഷയായി മികച്ച പ്രവർത്തനങ്ങൾ കാഴ്ചവെക്കുകയും ചെയ്തു.പാനിപ്പത്ത് ജില്ലയിലെ ബി.ജെ.പി.യുടെ ആദ്യ വനിതാ ജില്ലാ അധ്യക്ഷയായിരുന്നു അർച്ചന ഗുപ്ത എന്ന പ്രത്യേകതയും ഉണ്ട്.
പാനിപ്പത്ത് ജില്ലയിലെ പാർട്ടി അടിത്തറ ശക്തമാക്കുന്നതിൽ ഇവർ വലിയ പങ്ക് വഹിച്ചിട്ടുണ്ട്. പ്രത്യേകിച്ച് 2019-ലെ ലോക്സഭാ, നിയമസഭാ തെരഞ്ഞെടുപ്പുകളിൽ പാർട്ടി സ്ഥാനാർത്ഥികളെ വിജയിപ്പിക്കാൻ അർച്ചന ഗുപ്ത നൽകിയ നേതൃത്വം ശ്രദ്ധേയമായിരുന്നു.നിരവധി നേതാക്കൾ പ്രവർത്തനത്തെ അഭിനന്ദിക്കുകയും ചെയ്തിരുന്നു.
ഹരിയാന ബി.ജെ.പി.യുടെ സംസ്ഥാന ജനറൽ സെക്രട്ടറിയായി പ്രവർത്തിച്ചികൊണ്ട് ഇരിക്കുമ്പോഴാണ് ഇപ്പൊൾ സംസ്ഥാന അദ്ധ്യക്ഷയായി പാർട്ടി ഡോ. അർച്ചന ഗുപ്തയെ നിയമിക്കുന്നത്.
ലോക്സഭാ, നിയമസഭാ തെരഞ്ഞെടുപ്പുകളിൽ സ്ത്രീകൾക്ക് കൂടുതൽ പ്രാതിനിധ്യം നൽകുന്ന ‘നാരീശക്തി വന്ദൻ അധിനിയമം’ അടക്കമുള്ള കാര്യങ്ങളിൽ സജീവമായി വാദിക്കുന്ന നേതാവാണ് ഡോ. അർച്ചന ഗുപ്ത. വരാനിരിക്കുന്ന സംഘടനാ പ്രവർത്തനങ്ങളിൽ സ്ത്രീശക്തിയെ മുന്നിൽ നിർത്തിയുള്ള നീക്കങ്ങളാകും അവരിൽ നിന്ന് പ്രതീക്ഷിക്കുന്നത്.
ഹരിയാനയ്ക്കൊപ്പം പഞ്ചാബ്, ഡൽഹി, ത്രിപുര എന്നീ സംസ്ഥാനങ്ങളിലും ബി.ജെ.പി. അധ്യക്ഷന്മാരെ മാറ്റി നിയമിച്ചിട്ടുണ്ട്. സംഘടനാ തലത്തിൽ വലിയ അഴിച്ചുപണികൾക്കാണ് ബി.ജെ.പി. നേതൃത്വം തുടക്കമിട്ടിരിക്കുന്നത്
ബിജെപി ഇന്ന് പ്രഖ്യാപിച്ച് സംസ്ഥാന അദ്ധ്യക്ഷപദവികൾ എത്തിയവർ ഇവയൊക്കെയാണ്.നാല് സംസ്ഥാനങ്ങളിലേക്ക് പുതിയ അധ്യക്ഷന്മാരെ പ്രഖ്യാപിച്ചത്.
ഹരിയാന: അർച്ചന ഗുപ്ത
ഡൽഹി: ഹർഷ് മൽഹോത്ര
പഞ്ചാബ്: സർദാർ കേവൽ സിംഗ് ദില്ലൺ
ത്രിപുര: അഭിഷേക് ദേബ്റോയ്
