നാവികസേനയുടെ പഴയ അന്തർവാഹിനികൾ വിരമിക്കുന്ന സാഹചര്യത്തിലും, ചൈനയുൾപ്പെടെയുള്ള അയൽരാജ്യങ്ങളിൽ നിന്ന് നേരിടുന്ന സുരക്ഷാ വെല്ലുവിളികൾ കണക്കിലെടുത്തുമാണ് ഇന്ത്യ തന്റെ അന്തർവാഹിനി പദ്ധതി വിപുലീകരിക്കുന്നത്. ജർമ്മൻ സാങ്കേതികവിദ്യയുടെ സഹായത്തോടെ ആഭ്യന്തരമായി അന്തർവാഹിനികൾ നിർമ്മിക്കുന്നതിലൂടെ, രാജ്യത്തിന്റെ പ്രതിരോധ സ്വയംപര്യാപ്തതയ്ക്ക് പുതിയ ഊർജ്ജം പകരാൻ ഈ പദ്ധതി ലക്ഷ്യമിടുന്നു
ഇന്ത്യൻ മഹാസമുദ്രത്തിലെ സുരക്ഷാ ഭീഷണികൾ നേരിടാനും നാവികസേനയുടെ കടലിനടിയിലെ യുദ്ധശേഷി വർധിപ്പിക്കാനുമായി വൻ പദ്ധതിയുമായി കേന്ദ്രസർക്കാർ. നേരത്തെ ആറ് അന്തർവാഹിനികൾ മാത്രം നിർമ്മിക്കാൻ തീരുമാനിച്ചിരുന്ന സ്ഥാനത്ത്, ഇപ്പോൾ ഒൻപത് കൺവെൻഷണൽ അന്തർവാഹിനികൾ നിർമ്മിക്കാനാണ് തീരുമാനം. ‘പ്രോജക്റ്റ്-75I’ എന്ന പേരിൽ നടപ്പിലാക്കുന്ന ഈ പദ്ധതി ഇന്ത്യയുടെ പ്രതിരോധ രംഗത്തെ കരുത്ത് ഇരട്ടിയാക്കും
ദി പ്രിൻ്റ് ആണ്
ഈ വാർത്ത റിപ്പോർട്ട്
ചെയ്തിരിക്കുന്നത്.
ഇന്ത്യയുടെ നാവിക
ശക്തി വർധിപ്പിക്കുന്നതിൽ നിർണ്ണായകമായ ഈ മാറ്റത്തിന് പ്രധാനമായും മൂന്ന് കാരണങ്ങളാണുള്ളത്
നിലവിൽ
നാവികസേനയിലുള്ള
പല പഴയ അന്തർവാഹിനികളും (ഉദാഹരണത്തിന് സിന്ധുഘോഷ് ക്ലാസ്) സർവീസിൽ നിന്ന് വിരമിക്കാൻ ഒരുങ്ങുകയാണ്. ഈ വിടവ് നികത്തി നാവികസേനയുടെ എണ്ണം കുറയാതെ നിലനിർത്തേണ്ടത് അടിയന്തര ആവശ്യമാണ്.
മറ്റൊന്ന്,
ഇന്ത്യൻ മഹാസമുദ്ര മേഖലയിൽ ചൈനീസ് അന്തർവാഹിനികളുടെ സാന്നിധ്യം വർധിക്കുന്നത് ഇന്ത്യയുടെ സുരക്ഷയ്ക്ക് വെല്ലുവിളിയാണ്. ഇതിനെ ഫലപ്രദമായി നേരിടാൻ കൂടുതൽ അന്തർവാഹിനികൾ അനിവാര്യമാണ് അതുകൂടി പരിഹരിക്കാനുള്ള നീക്കമാണ് കേന്ദ്ര സർക്കാരിൻ്റെ ഭാഗത്ത് നിന്ന് നടത്തുന്നത് .
ശത്രുക്കളുടെ കണ്ണിൽപ്പെടാതെ കടലിനടിയിൽ ഒളിഞ്ഞിരുന്ന് നിരീക്ഷണം നടത്താനും ആക്രമണം നടത്താനും അന്തർവാഹിനികൾക്ക് സാധിക്കും. ഈ ‘സൈലന്റ് കില്ലർ’ (Silent Killer) ശേഷി വർധിപ്പിക്കുക എന്നത് ആധുനിക യുദ്ധതന്ത്രത്തിൽ വളരെ പ്രധാനമാണ്.
പ്രത്യേകിച്ച് ,
ചൈന അവരുടെ അന്തർവാഹിനികളുടെ എണ്ണം
കൂടുന്ന പശ്ചാത്തലത്തിൽ.
ഈ പദ്ധതി
‘ആത്മനിർഭർ ഭാരത്’ എന്ന ആശയത്തിന് മുൻതൂക്കം നൽകിയാണ് നടപ്പിലാക്കുന്നത്
എന്ന പ്രത്യേകതയും ഉണ്ട്
മസഗോൺ ഡോക്ക് ഷിപ്പ് ബിൽഡേഴ്സ് ലിമിറ്റഡും (MDL) ജർമ്മൻ പ്രതിരോധ കമ്പനിയായ തൈസൻക്രുപ്പും (TKMS) ചേർന്നാണ് ഈ അന്തർവാഹിനികൾ നിർമ്മിക്കുന്നത്.
അന്തർവാഹിനികളുടെ രൂപകൽപ്പനയും നിർമ്മാണവും പൂർണ്ണമായും ഇന്ത്യയിൽ തന്നെ നടക്കും. ഇത് ഇന്ത്യയുടെ തദ്ദേശീയമായ പ്രതിരോധ നിർമ്മാണ ശേഷി വലിയ രീതിയിൽ ഉയർത്തും.
നിർമ്മിക്കപ്പെടുന്ന അന്തർവാഹിനികളിൽ
‘എയർ ഇൻഡിപെൻഡൻ്റ് പ്രൊപ്പൽഷൻ’ (AIP) എന്ന അത്യാധുനിക സാങ്കേതികവിദ്യ ഉൾപ്പെടുത്തും.
ബാറ്ററി ചാർജ് ചെയ്യാൻ
കൂടെക്കൂടെ ഉപരിതലത്തിൽ വരാതെ, കൂടുതൽ സമയം കടലിനടിയിൽ ഒളിഞ്ഞിരിക്കാൻ
ഈ സാങ്കേതികവിദ്യ അന്തർവാഹിനികളെ സഹായിക്കും
രാജ്യത്തിന്റെ സുരക്ഷാ താൽപ്പര്യങ്ങൾ മുൻനിർത്തി കേന്ദ്ര സർക്കാർ സ്വീകരിച്ച ഈ തീരുമാനം, ഇന്ത്യയുടെ പ്രതിരോധ നയത്തിലെ ദീർഘവീക്ഷണത്തെയാണ് വെളിപ്പെടുത്തുന്നത്.
സമുദ്രമേഖലയിലെ മാറിക്കൊണ്ടിരിക്കുന്ന വെല്ലുവിളികൾ മുൻകൂട്ടി കണ്ട്, നാവികസേനയുടെ കരുത്ത് വർധിപ്പിക്കാൻ സർക്കാർ കാണിക്കുന്ന ജാഗ്രത പ്രശംസനീയമാണ്.
തദ്ദേശീയമായി അത്യാധുനിക ആയുധങ്ങൾ നിർമ്മിക്കാനുള്ള ‘ആത്മനിർഭർ ഭാരത്’ പദ്ധതിക്ക് വലിയൊരു മുതൽക്കൂട്ടാണ് ഈ 9 അന്തർവാഹിനികൾ.
കടലിനടിയിലെ സമാധാനവും സുരക്ഷയും ഉറപ്പാക്കാനുള്ള സർക്കാരിന്റെ ഈ ചുവടുവെപ്പ്, ഇന്ത്യയുടെ നാവിക മേധാവിത്വം കൂടുതൽ സുശക്തമാക്കുമെന്നതിൽ സംശയമില്ല
